Gabimet qe bejme kur gatuajme me gjalpe !

Nuk është thjesht një frazë, që gjalpi e bën çdo gjë më të shijshme. Ëmbëlsirat franceze do të ishin vërtet pa shije nëse nuk do të përmbanin gjalpë. Por, nga ana tjetër, përdorimi jo në mënyrën e duhur të gjalpit mund ta shkatërrojë vërtet atë që po gatuani. Janë shumë gabime, që njerëzit bëjnë kur gatuajnë me gjalpë. Ja si t’i mënjanoni ato.

1. Përdorimi i gjalpit në temperaturën e gabuar

Gjalpi është i fortë në temperaturën e dhomës dhe i lëngshëm kur nxehet. Recetat e pjekura mirë që thonë se gjalpi dhe sheqeri duhet të jenë kremozë duhet të bëhen në temperaturën e dhomës, me gjalpë plotësisht të zbutur, pasi kështu është më e lehtë që të përfshihen të dy përbërësit. Por nëse e shkrini, kristalet e sheqerit nuk mund të bëjnë punën e tyre të shkëputur nga yndyra, duke krijuar xhepa ajrit që bëjnë që produkti përfundimtar të jetë “i shpërndarë”. Me fjalë të tjera: gjalpi i shkrirë do të rezultojë në një ëmbëlsirë që thërrmohet kollaj ndërsa duke e zbutur gjalpin e bën ëmbëlsirën më kremoze dhe më të butë. Nëse doni të bëni brumë për byrek, sigurohuni që gjalpi të jetë shumë i ftohtë. Kjo është e domosdoshme për shkak se gjalpi tepër i butë nuk do të formojë “thërrime” të vogla në brumë që në fund përkthehen në kore të krisura apo të çara.
Sa për receta që kërkojnë gjalpë të shkrirë dhe vezë, si petullat, është më mirë që gjalpi të lihet të ftohet pak para se të përzihet me përbërësit e tjerë. Gjalpi i shkrirë i nxehtë do t’I gatuajë pjesërisht vezët, duke e kthyer brumin në vezë të ëmbla të fërguara.

2. Bërja e zëvendësimeve “të palejueshme” të gjalpit me vaj

Për shkak se ka një qëndrueshmëri të ngjashme me gjalpin, vaji i kokosit shpesh mund të joshë të përdoret në vend të gjalpit. Pjekja është në fakt shkencë, aq sa është edhe art dhe suksesi i çdo recete të caktuar varet nga reaksionet kimike të veçanta midis përbërësve të recetës.
“Shkëmbimi” i gjalpit mund të bëhet në receta, ku është testuar diçka e tillë. E njëjta gjë vlen edhe për vajrat e ndryshëm vegjetalë apo vajin e ullirit. Më lehtësisht mund ta aplikoni diçka të tillë kur vjen fjala te skuqja, përshembull te skuqja e vezëve, ku gjalpin mund ta zëvendësojmë edhe me vaj ulliri.

3. Shtimi i gjalpit herët ndërsa kaurdisni

Arsyeja pse gjalpi është aq i shijshëm është edhe arsyeja pse nuk është ideal për gatime në temperaturë të lartë: Qumështi që i jep atij shije të plotë digjet më shpejt se yndyrna të tjera, si vajrat vegjetalë ose vaji i ullirit të virgjër. Hidhini gjalpë mishit pa dhjamë, produkteve të detit dhe perimeve kur janë gati për t’u gatuar. Gjalpi do të jetë aromatik dhe i shijshëm, duke ndihmuar edhe në dhënien e ngjyrës kafe të artë të bukur.
Ju mund të kaurdisni në gjalpë, nëse keni shumë përbërës në tigan, duke i trazuar ata së bashku. Këshilla jonë është kundër mbushjes së tiganit tepër, të mbuloni sipërfaqen e tiganit me mish, përshembull me mish pule me lëkurë, siguron se gjalpi nuk do të marrë ngjyrë të errët dhe nuk do të digjet shpejt.

4. Mosbalancimi me shije të tjera

Gjalpi është i rëndë dhe me yndyrë. Por, ai ka nevojë për të tjerë përbërës që të bëhet vërtet një përbërës aktiv dhe të çlirojë shijen tamam. Kur gatuani me gjalpë, ai duhet të jetë përzier me përbërës acidikë, si lëng limoni apo uthull, për të mos përmendur edhe pak kripë.

5. Gjalpë me kripë apo pa kripë

A ka me të vërtetë rëndësi nëse përdorni gjalpë të kripur apo të pakripur? Po! Gjalpë me shumë pak kripë do ta kthejë një ëmbëlsirë me çokollatë në diçka të këndshme, por ne preferojmë të pjekim ëmbëlsirat me gjalpë pa kripë. Në këtë mënyrë mund të kontrollohet sasia e kripës në recetë. Gjalpi pa kripë është ideal edhe për salca të këndshme, duke iu lejuar që të shtoni kripë aq sa doni. Mos harroni se kripa supozohet që të përmirësojë shijet por jo të jetë përbërësi kryesor. Pra, pse nëse gjalpi është i kripur, është e preferueshme që të shtoni kripë? Kripa vepron si ruajtës, duke e mbajtur gjalpin të freskët për më gjatë. Ajo gjithashtu jep shije!