Puding Me Veze (Dietike)

Kur ndjek një dietë dobësimi, është e rëndësishme që të kënaqësh qiellzën. Për këtë ju vijnë në ndihmë substancat që kanë shije të mrekullueshme, por nuk ju lejojnë të shëndosheni. Mes shumë përbërësve të këtyre ëmbëlsirave përmendim ëmbëlsuesit, aromatizuesit, kakaon, tërshërën (që është e detyrueshme gjatë dietës), miellin e misrit dhe xhelatinën

Perberesit për katër racione:

6 vezë, 500 ml qumësht të skremuar, një bustinë vanilje, 6 lugë sukraloz (është një ëmbëlsues)ose mjalte dhe pak arrë muskat.

Pergatitja:

Rrihni vezët fort; ngroheni qumështin në zjarr të ulët, së bashku me vaniljen dhe arrën muskat. Hidhuani pak nga pak qumështin e ngrohtë vezëve; hidhini ëmbëlsues¬in dhe vazhdoni ta përzieni. Masën e përftuar hidheni në tasat e vegjël dhe i piqni në banjëmari për rreth 30 minuta në temperaturën 160 gradë celsius.

Mund ta ulni pak temperaturën e furrës pas 20 minutave të para.